Aditivos

Nes difuses denominaciones E… escondese ingredientes, a vegaes, impensables como l’E900 que deriva de la silicona, E951 aspartamo consideráu un neurotóxicu, etc. Pero na mas voi subrayar los que tiene dafechu o posible orixe animal. Un exemplu d’estos yé l’E120, un inseutu parásitu que vive en cactus. Tres la gueta del inseutu dexase secar al sol ta que conviertense en un granu prietu que será estripáu dando llugar al tinte que será usáu en pinta llabios, bollería, golosines,…

D’ORIXE ANIMAL
E120- Cochinilla, ácidu carmínicu, carmín, colorante roxu(denomináu “colorante roxu natural númberu 4“, fabrícase con inseutos estripaos).
E441- Xelatina(procede de la piel, lligamentos y güesos d’animales tales como’l gochos
E542- Fosfatu de güesos(aditivu deriváu de los desechos óseos)
E901- Cera d’abeyes blanca y amariella
E904- Goma Llaca(dellos autores dicen que vien de secreciones de inseutos de India)
E913- Llanolina(llana d’oveya usao como axente de gaseáu en chicles y cosméticos)
E920, E921- L-Cisteína(axente de tratamientu de fariñes)
E966- Llactitol(vien de zucres de lleche)
E1000- Ácidu cólicu(emulxente)
Aceite de esperma- derivao de la tiesta de cetáceos
Albúmina- de la clara de los güevos
Calcio mesoinositol
Guanina- aceite de perla
Llactosa
Hexafosfatos

DE POSIBLE ORIXE ANIMAL
E101 y E101(a)- Riboflavina, Llactoflavina, vitamina B-2
E153- Carbón vexetal medicinal
E161(b) – Lluteína
E161(g) – Cantaxantina(colorante amariellu que pue venir de los champñones o animales)
E304- Ésteres d’ácidos  grasos del ácidu ascórbicupalmitatu d’ascorbilu
E322 – Llecitines (pue ser de güevu, anque tamién de soya o xirasol)
E430, 431, 432, 433, 434, 435, 436 – Estearatos de  polioxietilenos
E470(a) – Sales de sodiu, de potasio y calcio d’ácios grasos
E470(b) – Sales de magnesiu d’ácidos grasos
E471 – Mono- y glicéridos d’ácidos grasos
E472(a, b, c, d, e, f) – Ésteres de diversos aditivos de glicéridos d’ácidos grasos
E473 – Sucroésteres diácidos grasos
E474 – Sucroglicéridos
E475 – Ésteres poliglicerol d’ácidos grasos
E476 – Polirricinoleatu de poliglicerol
E477 – Ésteres de propano
E478 – Llactato d’ácidos grasos
E479(b) – Aceite oxidaú de soya y de ácidos grasos
E482 – Llactatu de calciu
E483 – Tartratu  d’estearilu
E491, 492, 493, 494, 495, 496 – Sorbitanos
E570 – Ácidos grasos
E572 – Estearatu de magnesiu
E574- Ácidu glucónicu
E585- Llactatu ferrosu
E627 – Guanelatu de disodiu
E635 – Ribonucleótido de disodiu
E640 – Glicina y el so sal sodicu
E1100- Amilasa(enzima del pácreas de gochu, mofu o inxeniería xenética)
E1105- Llisozima(de la clara del güevu o inxeniería xenética)

PORGÜEYU

Esta ye una esbilla de la esperanza de vida de dellos animales. Varía muncho dependiendo de subespecies, asina que punxi el mas destacáu en ca casu.

Por exemplu nos casos de los perros una raza pequeña aporta a los 20 años mientres les races grandes a los 8. Tamién hai casos esceicionales de perros qu’aportaron los 29. Poro, punxi d’esperanza de vida n’esti casu 15-20.

El casu de l’almexa islandesa y l’oriciu roxu, foi polo llamativo non polo representativo na especie.

Empobiné esta gráfica a la comparanza ente vida en condiciones naturales y nes granxes, subrayando esperanza de vida d’animales como’l gochu que, viviendo nuna granxa, van ser sacrificaos a los 5-6 meses de vida pudiendo aportar a los 25 años, va vivir escasamente’l 2%. Treslladandolo a la vida

humana, una persona con una esperanza de vida de 80 años sería sacrificada a los 19 meses. Y estos ciclos d’esplotación del ganáu son mui asemeyaos nes granxes intensives como estensives, “ecolóxiques” y la del paisanu nel pueblu.

esperanza de vida

TOLSTOI

tolstoi

L’home pue vivir y tar sanu ensín matar animales pa comer; poro, si come carne,  toma parte en quita-y la vida a un animal sólo pa satisfacer el so apetitu. Y actuar asina ye inmoral”.

Lleón Tolstoi, amás de ser un de los xigantes de la hestoria de la lliteratura foi un llibertariu convencíu fasta’l puntu de dexar la so vida de lluxos pa retirase al campu a facer d’agricultor y zapateru. Nos sos caberos años de vida atopó consuelu al so vacíu esistencial en dos principios del Evanxeliu: amor pa colos seres humanos y resistencia a les fuercies del mal. Tamién foi un desensor del esperantu.

Amosó, en numberoses ocasiones, el vexetarianismu como mou d’automeyora y mediu pa facer la rellacción del ser humanu pa col so entornu mas xusta:

“Alimentase de carne ye un aniciu del primitivismu mas grande. El pasu al vexetarianismu ye la primera consecuencia natural de la ilustración”.

“Mientres esistan los mataderos habrá campos de batalla”.

Caltuvo correspondecia con otros dos vexetrarianos como George Bernard Shaw y Mohandas Karamchand Gandhi. N’esti últimu tuvo una gran influencia no que daria llugar al movimientu de la non violencia, satyagraha, y Gandhi, al so tiempu, influiria en Martin Luther King.

“El secretu de la felicidá nun ye facer siempre lo que se quier sinon querer siempre lo que se fai”.

KIRCHNER: TRISTE IRONÍA

 

Foi pol mes de xineru cuando Cristina Fernández de Kirchner, tres roblar un alcuerdu cola industria porcina, encamentaba comer mas carne de gochu pa meyorar la vida sexual.

ironía

Facía estes declaraciones ente risotaes na sede del executivu arxentinu.

-Yo soi una fanática de la carne de gochu y nun lo digo pa quedar bien o pa faceme propaganda de ná – contaba la presidenta d’Arxentina

-Ye muncho mas gratificante comese un gochín a la parrilla que tomar Viagra -aseguraba la agora viuda de Nestor Kirchner.

Siguió cola chancia contando la cabera vegada que llantaron gochu: -L’anterior fin de selmana(…) comímonos un gochín a la parrilla riquísimu, al aire llibre. Nun solo me comí la carne, sinon tamién el pelleyu cruxiente. Impresionante. ¡Y anduvo too mui bien la fin de selmana, asina que pue ser que tengan razón -confesaba.

http://www.abc.es/20100127/internacional-iberoamerica/kirchner-recomienda-comer-cerdo-201001272336.html

Pues resulto que comer tantu gochu nun yera tan fantástico.

NIN UN MINUTU

ralu

Nin un minutu van perder el PSOE y absurda-y abulta la inicia al PP de que’l BA proponga l’abolición de les corrides de gües n’Asturies. Estos partios españoles que gobiernen n’Asturies consideren esencial caltener esti espeutáculu pa la cultura española, que tristura pa la cultura de los españoles.

Repúname que estos gobernantes seyan tan ayenos a la xente, que refuguen tan bruscamente llevar a la Xunta Xeneral un dialogu que ta na cai. Da la sensación que mos fixeren un favor en sentimos y alderricar sobre ello. Ye cafiante qu’estos neodespotes amazcaraos con esi difusu traxe nomáu democracia faigan y desfaigan al so antoxu. Siempre con esa distrayente sida de que hai coses mas importantes que facer como si una cosa fuere opuesta a la otra.

Yá resultó enforma deceicionante l’abolición de les corrides en Catalunya mentanto, per utru llau, blindaben los correbous perdiendo pel camín la bona intención y quedando a la lluz el verdaderu propósitu.

El peligru d’intentar cuantificar el nivel de crueldá tolerable ye cayer na desautoridá moral. ¿A partír de cuantos milillitros de sangre derramaos un ye respetuosu colos animales o ta siendo cruel? ¿Cuál ye la maquina que mide la llende de pasamentu y mieu? ¿Ú ta redactao que matar a un inocente baxo un argumentu(matar por divertimentu) o otru(matar por comer) seya refugable o non.

Estes medies tintes regulacionistes tan enllenes de furaquinos per onde se pierde toa la llóxica.

L’ÚLTIMU PERRU(II)

La traxedia del canariu foi ser tan formosu y admirau’l so cantu pol home, y de tantu amalu encarcelolu nuna xaula al altor de la so guapura.

Y ye que hai munchos amantes de los animales que-yos cae una llárima al enterase del nuevu casu de maltratu animal. _Encánteme los animales_dicen. _Son tan cariñosos los perros, tan guapos los muxos, tan fascinantes los delfines y saben tan riques delles vísceres de les vaques y los gochos.

Los efeutos secundarios de l’antropomorfización del restu d’animales son perdures.

torna al llobu

El perru buenu ye’l que menos perru ye. El que nunca nun lladra, el que nun cuerri, nin güele-y el culu a otros perros. El que mas reprime los sos instintos. El perru exemplar ye’l que rapidamente aceuta la so condición de siervu, presta-y complacer al so amu. Deprenden a ser guardaos, tresportaos y usaos como esperabemos. Mascota maravillosa.

Agora los amantes de los animales faen vacaciones respetuoses col mediu, van a ver santuarios de ballenes, esfruten de la grandiosidá d’esti enigmaticu cetaceu, quiciabes con suerte sientanlos canciar y xurdir del augua épicamente. Mui emotivo.

Algamarán que les ballenes coman de la mano de los turistes. ¿Entá nun venden bolses de 250g de cril pa da-yoslo a les ballenes? Va muncho que lo fixerón con los elefantes y les cacagueses.

De momentu, n’esta fastera del mundiu, yá nun tien xaciu’l too val a costa de sobevivir, agora toca ser responsable y consciente de lo que se fae personalmente, ensin esperar instrucciones institucionales.

Como quedo arcaicu l’usu de canarios na mina, tamién quedarán los reprimios perros guia, los perros ferramienta y los animales alimentu.

Prestariame que los perros con pedigree furen consideraos como los que son: una perversura. Que la comercialización con animales fuere considerada un grave delitu. Que, por mediu de la esterilización progesiva, dexaren d’esisitir los perros. Y que’l llobu que va miles d’años cometio l’erru d’averase a los humanos recuperare la so ánima.

L’ÚLTIMU PERRU(I)

Ye por toos conocíu l’orixe del perru del contautu ente home y llobu. Dizse que entamó va decenes de miles d’años. Foi un allegamientu espontaneu, dalgún llobu a la gueta d’alimentu atopó nún pobláu humanu una mena mas fácil d’algamar el sustentu. Quiciabes fuere un llobu mas mansu de lo avezáo o, a lo meyor, una lloba que morriere al tener a les críes cerca d’un asentamientu humanu y dalgún rapacín los atopare y s’ecariñare d’ellos. ¿Quién sabe? L’entamu poco importa. Lo realmente trescendente ye que pasó de ser un fechu casual, a estendese pola cuasi totalidá del mundiu.

perru nuna muria

Los caminos dellos animales enguedéyese de formes inesperaes, podemos atotopar munchos exemplos de simbiosis, d’estreches rellaciones ente seres de distintes especies, dende bacteries a grandes mamíferos. Pa min, el casu mas nidiu d’estos empareyamientos, a base de ver documentales, ye’l de la xirafa y un paxarucu asemeyáu a los estorninos. El paxaru algama comida de los parásitos que pue tener la xirafa y la xirafa desfaese d’esos indeseaos parásitos. Los dos saquen provechu de la situación, los dos caltienen los sos interes y los sos instintos.

Pero cuando apaez l’humnu ye cuando xurde’l conflictu, l’acuerdo fráñese. Y ye que l’humanu nun sabe empatar, siempre quier ganar a toa costa. L’home ye alérxicu al equilíbriu, ye como un funambulista borrachu.

Pautar col home ye pautar col diañu, esto nun lo sabía’l llobu que s’allegó inxénuamente a los sos pies, y finó perdiendo la so ánima.

La tresformación del llobu foi a la d’un utensiliu. Un utesiliu de caza, un oxetu guardian, de pastoréu, un complementu que combinare cola ropa. Tienes un perru acorde a los tos gustos y aficiones. Versión de bolsu, dondu y amistosu(Chihuhaua, Yorkshire) pa les muyeres que quieren compañía; bonaz y que preste-y enredar colos nenos(l’ideal Golden Retriever); versión pa meter fachadona y dáteles de viril(Rotwailers y Pitbull); p’alternativos(amestu de races indefinies o un agonizante Bulldog).

Equí ye cuando entama a baxar la burrina d’argumentos evasivos. Cuando apaecen los perros héroe, los que son a salvar cientos de vides humanes. Los que atopen enbaxo les ruines del desastre a los damnificaos. El xentil perru guía que ye los güeyos del discapacitáu visual. ¿Quién ye a criticar la esistencia d’estos perros?

Esti documentalque resultome mui interesante, “Secretos del pedigree”:

http://www.youtube.com/watch?v=NaZpUMgOetY&feature=related